للدکتورعباس العباسی الطائي

استعرض الموضوع السابق استعرض الموضوع التالي اذهب الى الأسفل

للدکتورعباس العباسی الطائي

مُساهمة  اخوعلیه في الأحد يونيو 05, 2011 9:13 pm

حَــد آخـر نفس ویــاک إجیتک لا تصــد یهــواي

بسک لا تعــذب الــروح بس انــگل جـدم ویــاي

یـــا بیدر هــوی امسطر، ابیوم اعــیاي واتطـشر

مشاعـل نــار زلفک هــاج حـــین المِلت واتنعثر

مشاعل؟!لا..... شمس واتمغطت بفراشها الاصفر

إلک بسمه مثل طــرة الفجــر حــین الفجــر ینطر

او إذا مَرَن طواریّک عِطر فیک یگهوه ابهیل تتخدر

يا نسمه التمر بالصيف مر بيه

ولو بالطيف اناسهران واتنطر

وشوفك ذاك يا محلاك صوب اهواك تتبختر

تطش مَرهَم علی اجروحي

او طیفک بلسم اجروحي وحلم اخضر

أعلگ الـــروح بعگالک او یشماغک عـَـلَم أحمر

او إذا تنگل جـــدم یهواي باطــراف الـــزلف تعثر

أشیلنک علی اچتافي ابجدم حـافي اعلى شوک البر

او أفییلک هِدب عیني او أسویلک ضرا امن الحر

اوأگطر لک ادموع الروح واسجیک اببدال الماي

بس انگل جـــدم ویـــاي، بس انگل جـــدم ویــاي

***

عــذب یمعذّب الـــدلال بــیدک صـــار دلالـــي

علی کیفک اتـــمرد بیه یغالي او مـــا إلک تالي

تتمرجـــح عــلي یهواي وتمرجحک یحــــلالي

حــــلو یا مُر یلمرمج اریــاگي او شال أحوالي

لا تـــگرب ولا تــبعد ،بــــعید وگــــاعد إگــبالي

گــبل عیني ولا أنسـاک غــیرک مــا شـده بالي

تــمُر،تــهجر،اتفــــارج، لـــو تظـــــل ،غــــالي

علـــّگت الأمــاني اعلیک یالغیرک ولف مـــالي

بس صدیــــت بعــــیونک عرفت السهم چــتالي

لا تلـــتفت هیــچ او هیـــچ تتگطع تراها اچلاي

خـــــل السهم نـــــابــت ونـــته ظــــل إحــــذاي

بس إنگل جـــدم ویـــاي، بس إنگل جـــدم ویاي

*****

خـــلها اسهــام هجـــــرک مـــا تــــمض بــــیه

الجسم خـــدران بالطعنات ظلت روح مـــرمیه

تـــدري بالعشگ نیران وادري اشـــلون تــالیه

بـــعد بس امـــن المچـــادح تــعال انصفّي النیه

اشوي اعطف علی الملهوف مُر واتنازل اشویه

بعد مـــا ظل وکت، گـــوّض عــمر مـَـر ابتوالیه

تحـــرّک واگـــعد امـن الـنوم وحلامک الوردیه

وحـط روحک علی روحي وأسافر بیک فجریه

وأطیر اویــاک فــوگ الغیم رحــلة عــمر شعریه

بعید امن العیون انروح وافرش لک ابلب إحشاي

آنه اویــــاک نمشي ابعید وانعــوف الطلایب هاي

بس إنگل جــــدم ویــاي بس انگل جــــدم ویــاي

*****

اخوعلیه
Admin

عدد المساهمات : 11
تاريخ التسجيل : 05/06/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى